طريقة المذاكرة - حل مشاكل المذاكرة - Back To School

 

 

 بسم الله الرحمن الرحيم والصلاة والسلام على اشرف المرسلين وعلى نبينا وحبيبنا محمد خاتمـ المرسلين

أعوذ بالله من الشيطان الرجيمـ

والسلامـ عليكم ورحمه الله وبركاته عليكمـ اجمعين

أزيكمـ يا احلى بنات فى الدنيا يارب تكونوا بخير الاول انا عايزة اقول إن الموضوع حصرى وانا الى كاتبه كل حرف فيه وكل كلمه وكل جمله ولا اسمح ولا احلل بنقله دون ذكر المصدر منتدى حكاوى بنااات ورابط المنتدى ومن يفعل دون ذلكـ لا اسامحه ابداً طبعآ انتوا هتقولوا لى Back To school إيه ياحجة   و عودة للمدرسة ودراسة إيه دهـ لسه فاضل شهر  هقولكـ أيوووة أيوووة أنا عارفة بس حبيت اقولكـ من دلوقتى عشااان تبقى عااارفة انتٍ هتعملى إيه وتبقى محضر كل حاجة وعشااان انا كمااان مش عارفة هبقى فاضيه امتى تانى عشان أكتب الموضوع دهـ فقولت أفيدكمـ  بس عااايزة اقولكـ خلى بالك كويس أأوى من الكلام الى هقوله وخدى كل كلمه على محمل الجد (حلوة على محمل الجد دى هههههه ) وطبعآآ كل سنه وانتوا طيبين بمناسبه عيد الأضحى الى فاضل عليه شهر ههههههه بس حبيت أسبق أى حد وأقول لكمـ

أنهاردة هكلم عن تجهيزات المدارس من كل النواحى هنبدأ بأذن الله ونقول بسم الله:

1- العبادة وعلاقتها بالنجاح.

2- طاعة الابوين من طاعة الرب.

3- نفسيتيك وتأثيرها على الدراسة.

4- الرياضة وتأثيرها على النجاح.

5- الاكل والنوم و الكسل.

6- الحب.

7- النظافة الشخصية.

8- تجهيزات المدرسة.

9- قبل  المدرسة بيوم.

10- أول يوم مدارس والأصدقاء والمدرسين.

11-الدروس و المذاكرة.

وكدة الفهرس يكون خلص هنبدأ فى اول بارت ان شاء  الله

 البارت الاول:

___________

نبدأ بسم الله أول بارت طبعا فى بنات البارت ده مش مهم اوى بالنسبة لها وهتقولى احنا عايزين ازاى نذاكر مش ازاى نصلى هقولك طب ما هو مافيش حاجة هتحصل غير لما يكون ربك راضى عنك الاول صدقينى يعنى ربنا قال 5 صلوات فى اليوم كثير ليه على كل النعم الى انت فيها!!

يعنى بابا وماما دول من ضمن النعم هتقولى لي بس انا لقدر الله او بعد الشر عنكم كلكم يتيمة الاب او الأم هقولك : طب وعيونك الجميلة دى الى بتشوفى بها وتتفرج على TV و النت وشعرك الى بتباينيه من الطرحة و بتأخذى سيئات عليه وعقلك الى بتفكرى به وبيوزك على انك متصليش ومش تسمعى كلام بابا وماما هتقولى لي :بس الشيطان هو الى بيوزنى مش عقلى ؟؟ هقولك : اه طب ما انت بتسمعى كلامه يبقى كده كأنك انت الى بتوزى نفسك كل دى نعم ربنا اعطاها لك تأملى كده حواليكى كل الى حواليكى دى نعم هتقولى لي بس انت بتقولى لى ان النعم دى باخد بها سيئات ؟؟ هقولك : كل واحد واستغلاله للنعم الى ربنا انعم بها عليه يعنى بدل ما تتفرج على TV  اقراى قرأن كده بدلنا السيئات بحسنات او خففناها ((وعلى فكرة انا مش بقول نمنعه انا بقول نحاول نقلل منه )) بدل لما تبينى شعرك وتعملى القبه على دماغك لا دخلى شعرك جوه ونزلى القبه دى وكده بدلنا السيئات بحسنات وعلى فكرة الى بتبيين شعرها دى يوم القيامة وتتعلق منه تخيلى انت بقى بدل ما تلبسى ضيق وتدلعى وفى جهنم تولعى هههههههه لا البسى واسع وخدى حسنات بدل البر فيوم حطى مزيل عرق وخدى حسنات والألوان المائية الى بشوفها فى وش البنات ليه كده دى بشرتك جميلة و مش محتاجة تلونيها خالص والله مابيكون شكلك حلو ابدااا هو كفاية كحل كده فى عنيكى بس مش ترسمى عنيكى اه حاكم انا عرفاكم تظيطوا فى الظيطm وبدل ما تقولى لسه هقوم اصلى لا متفكريش قومى على طول أنت ربنا ادالك نعم كثير لازم نشكره عليها هتقولى لي ما انا بقول الحمد لله هقولك:  ياسلامـ هو كده بس ياغلباوية الصلاة دى صدقة على الجسم ورحمه فى القبر و رحمه فى الدنيا و فى الاخرة كمان حمد ربنا ده جزء من الواجب الى علينا ولاكن بالصلاة بنكون كملنا واجبنا أنت ينفع ماما تقولك اعملى كيكة روحى تحطى المقادير على بعض وتقولى كده انا عملتها ازاى ما انت لازم تكملى عملك كامل ولا ينفع تقابلى ست عجوزة عايزة تعدى الشارع تعديها وتسبيها فى نصف الشارع وخلاص كده ياخرابى ههههههههههه 

طبعا كل شئ لازم يكمل للاخر عشان تأخدى ثوابك كامل تحدى نفسك انك هتصلى انهاردة اليوم كامل ولو فاتك فرض لازم تصليه وتناميش الا لما تكملى اليوم بعد كده مش هتعرفى تنامى الا لما تصلى كل الصلاوات وعشان متكسليش اول لما يقرب معاد الاذان أتوضى واستنى الصلاة و  أول لما يأذن تسيبى الى فى ايديك ويروحى تصلى على طول مافيش حاجة هتطير مش هقول انى ملتزمة بس طبعا بحاول التزم على قد ماقدر بتحدى نفسى و الشيطان وبأخد ثواب ابدأى من دلوقتى حالا ده ربنا قال الى يسيب فرض واحد من الفروض الخمسة هيتحاسب بشدة مابالك بقى الى بيسبهم كلهم كل يوم وطبعا هناكـ شعره بين المسلم والكافر وهى الصلاة شعره بس تخيلى الصلاة عماد الدين من تركها ترك الدين تخيلى يعنى انت بنوتة جميلة ازاى بقى متصليش بصى يابنوتة هقولك فكرة حلوة فى المدارس انت كده كده بتصحى 6 وفى منا الى بيصحى 5 الصبح كمان اول لما تقومى توضئ وتصلى على طول ويبقى كده اول فرض تم اما الظهر بقى لو عندك فى المدرسة مسجد والوقت يسمح انك تصلى اول لما الاذن يأذن يبقى اتوضئ وصلى على طول ولو مش هيسمح يبقى اول لما تروحى اتوضى وصلى على طول اما العصر بتكونى فى الدرس او لسه رايحة الدرس لو لسة رايحة يبقى تصلى وتنزلى لو هيكون أثناء الدرس حاولى جاهدة انك تصليه لو مش هينفع خلاص اول لما تروحى تصليه على طول اما المغرب هيكون ان شاء الله أثناء المذكرة يبقى تسيبى المذاكرة على طول مش تقولى طب بس اخلص ده لانك هتكسلى تقومى على طول تصليه تمام كده اما العشاء هيكون برضوا اثناء المذاكرة روحى صليه واهو يبقى رست ليكى تمام كده قبل لما تنامى خصصى وقت لقراءة القرأن ولو حتى 10 دقائق مثلا او ربع ساعة او مثلا الصبح وانت رايحة المدرسة فى الطرييق اقرائى أذكار الصبح او تقراى قران وتنزلى بنيه انك بتعملى كده لله سواء كانت الدراسة او القران او الاذكار او مثلا وانت رايحة اى مشوار طيب تمام اوى كده الصلاة دى بقى شفيعك يوم القيامة والقراءن كمان وغير كده بيحلى الصوت وبينور القبر يابنوتة و بيكون ونس ليكى فى القبر كمان ويخلى الناس ترتاح لك وبيظبط النفسية جدا صدقينى وجربى يابنوتة  كده البارت ده انتهى اتمنى لو يكون عجبكم يلا اطلعوا قيموا لو مش قيمتوا و اوعوا تنسوا الردود مش هتاخد دقيقة بس هتفرحنى كتير والله والبارت الجاى بعد شوية. هنزله فى الرد الى جاااى وهنزل الرابط هنآآ تمامـ :) عشان الموضوع ميبقاش طويل وتزهقى وانتٍ بتقرأى

[ندعوك للتسجيل في المنتدى أو التعريف بنفسك لمعاينة هذا الرابط]

البارت الثالث:

________________

نبدأ فى البارت الثالث مع بعض يابنات :

نكمل مع بعض كل الى احنا رغينة فيه فوق ده بيأثر على نفسيتيك يعنى لو بتصلى وبتتعاملى  كويس من اهلك وبتحبوا بعض كده ومبسوطة هيأثر بالموجب على الدراسة صح؟ هتلاقى نفسسك فرحانة وانت رايحى تذاكرى كده وبتغنى الدنيا ربيع والجو بديع فتحلى على كل المواضيع فتح فتح فتح فتح ههههههههههههه

مش قرف انه من نفسك وكارها الدنيا ده هيأثر بالسالب عليكى وعلى الدراسة طبعا والدرجات ومش هتعرفى تذاكرى وهتقولى قفلى على كل الواضيع قفل قفل قفل قفل ههههههههههههه خليكى مرتاحة وريحى الى حوليكى يعنى متخديش كل حاجة على أعصابك وتتنرفزى لا خليكى هادية على رأى محمد هنيدى أصحى وخليك ريلاكس هههههههههه بجد خليكى هادية والكلام ده ليا انا الاول ههههههه J ولما تحسى انك هتتعصبى قولى لنفسك رستخ رستخ يازكى يارستخ ههههههه ده والله هيأثر عليكى اوووى انا والله تعبت كتير من كتر العصبية دى وهى مش بتجيب غير الامراض بس صدقونى واسالونى انا وغير كده بتأثر على الجسم وعلى كل حاجة فيكى وكل عضو فى جسمك بيتأثر وهيتعب يعنى تحبى يجى لك اى من الامراض المنتشرة زى القولون الى قرفنى وملهوش علاج اوعى والله بحاول اهدى نفسى وابقى ريلاكس ههههههههه عشان بس انا نفسى تعبت وعشان الدكتور الى قرب يتشل منى ده هههههه اكيد عياله عايزينه وعشان بتعب قولى والله فهدى نفسك كده لان كل ده هيأثر عليكى  طبعا ومحدش هيفيديك لما يحصل لك حاجة بعيد عنننا كلنا ياااارب واعصابك كلها تبوظ وبالتالى مش هتعرفى تذاكرى خالص ولا تركزى  يانوال أقصد يابنوتة ولما تحسى انكـ هتتعصبى من حاجة عدى من واحد لعشرة و أستغفرى ربنا كتتييير لان كماان فى المستقبل هيأثر عليكى مع تعامل ولادكـ و زوجكـ إن شاء الله و المذاكرة بقى وبالذات المواد العلمية و الادبيه فى الحفظ كل حاجة بقى هتعدى تتعصبى ولا هتفيدكـ بحاجة هتفضلى برضوا الى مش عارفة مش عرفاه  لاكن بهدوء هتلاقى لهآآ حل بسرعة وبسهولة ولمااا تلاقى نفسكـ مش عااارفة تحلى حاجة او نسيتيها فى مثلاً مادة الانجليزى روحى ذاكرى اى مادة تانية لمدة 20 دقيقة أقريهاآآ بس كدهـ وأرجعى تاانى هتلاقيها بقت بسيط الى مش كنتى عارفاها دى وجرباها على فكرة مش بقول كدهـ وبس   كده البارت ده انتهى واى حد عايز حاجة معينة يقولى وانا هنزل عنها تمام كده متحرمونيش من ردودكم و تقييماتكم يارب الى تقييم وترد تطلع الاولى ويارب كلكم تنجحوا وتدخلوا الكليات الى بتحلوموا بيها تابعونى فى البارتات الجاية تاعبونى بحبكمـ فى الله

 
البارت الرابع:
_________
على خير الله اه يانى الرياضة وما ادراكى ما الرياضة الناس الى بطنش تيجى هنا عشان عايزة اسمعها كلمتين كده وانا اولكم ههههههههه انا بكلم كل البنااات الى بتلعب والى مش بتلعب والى عايزة تلعب والى مش عايزة تلعب كمان ههههههههه شوفتوا رخامة اكتر من كده هههههههه
أستنى بس والله الرياضة دى بتنشط العقل وبتقلل من التعصب ومن الامراض وكمان بتخس شوفتى بقى ضربنا كام عصفورة بحجر واحد العقل السليم فى الجسم السليم بنسمعها على طول وبنرددها وخلاص اهو اى هرى هههههههه لاكن تعالى نركز فيها كده العقل السليم الواعى الناضج فى الجسم السليم الى بيلعب رياضة الخالى من الامراض
عايزة تبقى مزة زمانك ومش بطيئة ولا كسولة بالرياضة اه و الله شوفتى بقى ولما تتبسطى من انك عملتى الى عايزاه قولنا قبل كده انه هيأثر بالموجب عليكى وعلى الدرجات بس المرة ده وعلى نفسك وكل الى حوليكى كمان ازاى ؟ لانك بسهولة لما تتبسطى على الى حوليكى هيكونوا مباسيط حلوة مباسيط دى صح ههههههههههه
حتى لو هتعملى اسهل حاجة وهى الماسى لمدة نصف ساعة بس فى اليوم وده مفيش اسهل منه وعز الطلب دا احنا ليل نهار ماشيين لا مش هوه ده الماشى الى اقصده الماشى يعنى انك تكونى مستقيمة وجليكى بتترفع وهى عدلة لفوق زى الجرى كده بس مش تجرى فى الشارع يقولوا البت اجننت لا ههههههه اجرى بس بماشى فهمانى ؟
او اطلع السلم وانزليه لمدة 10 دقائق فى اسهل من كده وانت رايحة المدرسة لو قريبة شوية منك بدل ما تركبى امشيها انزلى بدرى شوية وامشيها طب ليه مش وانا راجعة اقولك انا !!
لان الصبح انت هتتحكمى فى الوقت يعنى لو نزلتى بدرى اتحلت لاكن بعد المدرسة بيكون عندك درس او عايزة تروحى بسرعة خارجة اى حاجة يعنى غصب عنك كده كده هترجعى بسرعة فلازم تركبى وكمان الان الرياضة بدرى مفيدة للجسم اكتر حاولى تدخليها فى حياتك وتخليها جزء منه وانت واقفة اشفطى بطنك كده واتنفسى براحة كده وانت اعدة حركى صوابعك حركى رجلك هترتاحى وانت بتمارسى الرياضة صدقينى كمان بتريح الاعصاب جدا جربى مش هتخسرى حاجة بالعكس هتكسبى حياة جديدة اوعدى نفسك انك مش هتسبيها تانى يلا هنكون رياضيين ومزز كمان ههههههههههه
سلام عليكم

 


البارت الخامس:
___________
هنبدا البارت ده مهم جدا زى الى فاتوا بالظبط لا تقل اهمية عنهم نبدأ بسم الله :
الاكل اهم شئ ومتقوليش كبرت على السندوتشات واللانش بوكس والكلام ده ده الدكتور الى فى الجامعة بيأخد معاه والوزير بيأكل انت بقى مش بتأخدى ليه خايفة من كلام البنات طب ليه مش انت الى تغيرى فكرتهم وتخليهم هما الى يجيبوا الاكل مهم جدااا  طبعااا الا فى سنك الجسم بيبنى نفسه ولازم قبل لما تنزلى تأكلى اى حاجة حتى لو كانت فاكهة ساندوتش كده ومش تقولى لا اللبن الى مش بتحبه تاكل زبادى او جبنة لانه لازم لازم الكالسيوم الى بيبنى العظام عشان لما تكبرى وتخلفى مش تتعبى لان الطفل بياخد من امه الحاجات دى يعنى هيطلع ضعيف وانت اصلا ضعيفة والجسم محتاج الاكل ده ومش تخافى مش هتتخنى لان الجسم بيأخد الاكل ده عشان يبنى نفسه به بس انت كلى الحاجات المهمه ومش لازم تأكلى لحد لما ترجعى يع ههههههه لا كلى لما تحسى بالشبع يعنى زى ما رسولنا الحبيب قال ثلث للنفس وثلث للاكل وثلث للمياه ومش تقولى هى قالت كلى ومش هتتخنى طبعا الاكل المفيد هو بس الى تأكليه يعنى تقللى من الزيوت والدهون طب انت عارفة انت المعلبات (الشبسى_ الكنز_البيبسى_وغيرهمـ)كلها مواد حافظة وايه المواد الحافظة دى مادة سامة يعنى كانك بتأكلى نفسك سم تخيلى تعرفى ان كيس الشبسى ده فيه لتر زيت يعنى لو اكلتى كيس واحد فى اليوم بس فى الشهر ب30لتر زيت ليه عربيه ههههههه يعنى اكيد ده يموت بعد الشر عنكم كلكم بس حرام عليكى والكانز اه يانى عارفة الصودا الى بتشربيها دى ده هواء داخل الجسم ده لو حد بيعمل عمليه ودخل فى جسمه هواء يموت تخيلى بقى مش لازم الاثر تظهر من اول مرة وممكن كمان مش من المرة ال1000 لاكن مرة واحدة كده هتلاقيكى تعبتى والاندومى كمان انا بصراحة مش عارفة هو في العجينة ولا المكرونة بس بس الافضل انك تمنعى الحاجات دى او تقللى منها لان مفيش حد بيمنع نفسه مرة واحدة
يلا يابنات نيجى للنوم اخ يانى انا والنوم متضادين الاتجاه هو من هنا وانا من هنا و اللهى العظيم لفيت على الدكاترة كنت بنام 8ص واصحى 8 مساءا يجمالوا يجمالوا كان الدكتور هيفرج العيادة علينا أقسم بالله ان كل جسمى بقى يوجعنى وعينى وايدى وظهرى وأعصابى باظت والله وفى ايام المدارس اسهر واقوم بدرى طبعا مكنتش بعرف اركز خالص وطبعا مش هقول لكم على الدرجات بس انا الحمد لله لحقت نفسى بسرعة ومكنتش بعرف اذاكر ابداا ولما اجى اذاكر احس انى عايزة انام وأثر عليا طبعا وعلى مذاكرتى طب عايزة تظبطى نومك من دلوقتى مثلا انت بتنامى الساعة كام مثلا 7 الصبح اصحى الساعة 1 الظهر وخليكى صاحية لحد 12 باليل ونامى وقومى على 12 الظهر كده وبس كده طب طريقة تانية انت بتنامى 7 صح !
تمام طبقى بقى لليوم التانى لحد 12 باليل تمام كده اهم حاجة انك تصحى بعد كده بدرى
ظبطنا نومنا وهنذاكر ونجيب درجات فى اوقات المدرسة معاكى لحد 12 باليل بعد كده يكون استثنائى يعنى يكون يوم واحد بس عشان حاجة معينة تمام كده
اما بقى عن الكسل اوعوا تكونوا كاسولين ابدا والله الكسل ده ممكن يموت يابنات لازم يكون عندنا نشاط عارفة لو انت كسوله مش هتعملى اى حاجة من البارتات الى فاتت وانا جه عليا وقت كنت كسولة جدا جدا جدا جدا لحد ما انا نفسى تعبت جدا وبقيت وعاهدت نفسى انى مش هبقى كسولة تانى ازاى بقى اقولك انا قولت لما اعوز اى حاجة هقوم انا اجبها ومحدش تانى هيجبها لى انا الى هجيب كل حاجة وبالفعل وكنت كل يوم اقوم اعمل تمارين واخد شاور كده واعد بقى على النت واقوم اعمل حاجات لحد لما اتخلصت منه بجد عامل زى ادمان الحاجة كده ولو اخدتى عليه مش هتحققى اى حاجة و لا تتقدمى فى اى حاجة وهتفضلى وراء يعنى العلماء و الوزراء والناس دى لو كسولة مش هتتقدم البلد صح!!!
طب عارفة بقى ان الكسل هيأثر عليكى فى الدرجات لا انت لما تصحى الصبح قومى على طول وخليكى نشيطة كده وقولى انا نشيطة و هبدأ يومى بتمارين طبعا بعد الصلاة بس اوعى تخلى الكسل يمتلكك ابدا لانه اوحش حاجة اوحش حاجة بجد بعد كده هتلاقى نفسك تخنتى من كتر الاعدة طبعا ما انت مش بتتحركى بقى على طول اعدة خلى بالك بقى يازهورة من الحاجات دى كويس اوووى وقولى وداعا للكسل وقومى كد وخليكى نشيطة
اشوفكم فى بارت تانى أنتظرونونى بعد الردود المشوقة والتقييمات سلامـ

:السلام ع: 


البارت السادس:
____________
 يا قمرات البارت ده انا عايزة اوصله لكل الناس والله لانه مهم جداا
يلا نبدأ
الحب وسيرة الحب والكلام الفاضى والفاضى يعمل قاضى طبعا هههههههه
والله العظيم أقسم بالله يابنتى محدش هيمشى مع واحدة وهيتجوزها ابدا صدقينى ركزى فى مستقبلك احسن طب هكيلكم حكاية كان فى مرة واحد اجنبى نازل مصر عند صديقة ((طبعا واحد مصرى)) فالرجل الاجنبى بيسلم على مرات صاحبه فبيبوسها فرجعت لوراء وصديقة قاله لالا احنا معندناش كده فقاله طب وايه يعنى دا انا بسلم عادى قاله لا فات اليوم تانى يوم بيقوله انتوا ليه فى مصر مش بتجوزوا صديقتكم ليه لازم تروح تخطب واحدة وكده مش تصاحبها وتجوزها فالرجل رد عليه وقاله انت ترضى تاخد حاجة لعبة حد لعب بيها قبلك قاله لا قاله طب لو انا خيرتك بين بنبون  مقفول ومفتوح تاخد انهى قاله المقفول طبعا قاله انت جاوبت على نفسك اهوه احنا دينا فيه بنختار الواحدة الى تصون بيتها و عيالها وتشيل اسمك مش بنختار المال والجمال لانى لو اجوزتها وانا ماشى معاها ممكن بعد كده تلاقى واحد تانى تمشى معاه انا ايه يضمنى طبعا كده نتعلم ان مفيش حد ماشى مع واحدة هيأمنك على نفسه واسمه وعيالة فكرى بس انت فيها صح شوية متبصيش انى هبقى بنت كول وكيوت وكده انا لما بشوف واحدة كده بصراحة بقول دى صايعة ومحدش عرف يربيها وببعد عنهااا كماان انت ترضى يقول بعد كده لعياله اتعرفت عليها فى الشارع ولا من بيت محترم ده اصلا لو اجوزك أسالى اخوكى كده أممممممم معندكش اخ اسألى بابا  عمك ابن عمك ابن خالتك ابن خالك انه هيتجوز الى ماشى معاه هيقولك نعم دا انا بسلى وقتى بدل ما اجيب ب1جنيه لب ترضى تكونى لب بيتسلى عليكى او قولى له ترضى على أختك كده هيقولك لا طبعا  انت عاملة زى اللؤلؤة  كده كل ما تقفلى على نفسك كل ما بتحلوى فى عين الناس عايزين يشوفوا شكلها ايه عيدى تفكير مترخصيش نفسك واهلك ترضى حد يقول لباباكى انه انت معرفتش تربى وتجيبى لاهلك قلة القيمة طب انت ممكن تخرجى معاه وباباكى يشوفكم او اى حد من اهلك طبعا هتقولى لى لا دا انا كنت اموت طيب طالما انت خايفة يبقى انت عارفة انك بتعملى حاجة غلط ليه بقى نعمل الغلط وبعد كده نندم وخلى عندك بعد نظر وكرامة واعملى لاهلك حساب ترضى بعد كده لما تجوزى واحد يشاور عليكى ويقول لابنك مثلا اهى دى كنت ماشى معاها على العموم انا بقولك كده عشان خايفة عليكى انت بنت جميلة وسمعتك زى عود الكبريت ينفع تولعى الكبريت مرتين بصى كده فى دينك واعملى به ومترميش نفسك فى الهلاك بأيديك :

كده البارت ده خلص  اشوفكم فى بارت تانى ومش عايزة حد يزعل انا بقول الكلام ده عشااان تخدى بالكـ وتلحقى نفسكـ وربنا يفظكمـ ويحفظناا كلناا إن شاء الله عايزة رأيكم فى الكلام ده وتقييماتكم و الردود الجميلة عشان اكمل

البارت الثامن:
____________
نيجى بقى لتجهيزات المدرسة طبعا ظبطنا النفسية والنوم والنظافة وبقينا زى الفل نيجى بقى على الاوضة بتاعتنا نظبطها نسبها عروسة جديدة  جميلة عشان تفتح نفسك على المذاكرة يابطتى تمام كده هننزل نجيب الهدوم والشنطة ولو عندك شنطة من قبل كده خلاص خير وبكرة وعلى فكرة البنات الى رايحة ثانوى وبتقول نجيب شنطة صغيرة هتتعبى بجد اوعى انت جبيها اكبر حاجة بس لو عارفة ان مدرستك مش بتزعق على الكتب ولا بتلتزمى خلاص انت حرة بس لو جبتيها صغيرة مش هتعرفى تعملى ايه وهتروحى تجيبى غيرها اسمعى كلامى جبيها كبيرة مش هتخصرى لاكن لو صغيرة هتعملى ايه بقى اما بقى لو بدراع واحد هتوجع ظهرك بطريقة هتدعى على نفسك لما جبتيها جبيها بدراعين مش تقولى انا كبرت لا دى مفهاش كده دى على حسب الراحة تمام ونجيب الكوتش والطرح كل شئ يعنى لو بنستلم الكتب نروح نستلمها ونبص فيها المقلمة بقى نجيب واحدة عسولة كده ونحط فيها قلمين جاف خطهم حلو انا بموت فى الفرنساوى مع انى مكنتش بقبله بس يلا بقى وبحب البريمة قديمة انا صح بس خطهم واو بجد اسود واحمر واخضر والوان برونز وخشب وفولومستر طبعا المفروض الالوان دى معاكى من السنه الى فاتت بس فى ناس مش بتجيب عادى انا مش بجيب لانهم عندى من سنه سته هههههههه احلى اقلام خشب الوان الفبركاسيل واو بجد حتى الاستيكة و الالوان القلم الرصاص اى حاجة منها كراسة اى حاجة بجد تحفة بجد بجد تمام كده
نيجى بقى للكراسة نسطرها فى الاجازات ونخليها جميلة ونجيب لها استيكرز بس منكترش فى الكراسة
اما بقى النشاطات بصوا انا عن نفسى كنت 5 سنين فى التدبير وسنة  مكتبة بجد التدبير ده وكسة هههه اه والله لاننا مكناش بنعمل حاجة عملى كنا بنكتب بس شغالين كتابة بس لو انت عارفة انكم بتعملوها عملى  يبقى خلاص ادخليها هى جميلة بس لو عملى المكتبة ممله جدااا زى التدبير المنزلى كدهـ بس الحسنة الوحيدة انكـ لو عايزة تقرأى بتقرأى بس النشاطات الى بيلطبوها كتير  اما الزراعه بيقولوا لى انها كتابه بس بس انا بموت فى الزراعة ااما بقى الموسيقى انا بموت فيها بس مش بشترك عشان حرام بس
فاضل ايه تانى ياروءه فاضل ايه تانى المسرح مش بحبه بصراحة ومجربتش اشترك فيه

تمام كده اشوفكم فى بارت جديد ان شاء الله يابنات اوصيكم بالتقييم و الردود وعايزة رأيكم وتعقيباتكم  

 


البارت العاشر:
_________
اول يوم مدرسة نصحى بدرى على 5 ونصف كده او 6 منتاخرش عن كده تمام كده نقوم نغسل الاسنان طبعا استحمينا امبارح لو مش استحميتى يبقى استحمى الصبح بس كده هتقومى 5
تمام كده تقولى أذكار الصبح و تروحى تصلى الصبح عشان ربنا يرضى عليكى وتعملى الساندوتشات لو انت الى بتعمليها وتفطرى وتتاكدى ان كل شئ تمام فى الشنطة و small bag جاهزة وموجودة تاخدى المصروف تشوفى هتحوشى ايه وهتاخدى ايه تمام كده لو بابا بيجيب لكم الحلويات الى هتاخدوها يبقى تمام تحطيهم بقى فى الشنطة والسندوتشات و تروحى فطرى زى ما اتفقنا اللبانة الى بنعناع وننزل نشوف لو بابا هو الى بيوصلنا يبقى تمام لو فى باص نقف نستنى ولو هنمشى يبقى يلا و نتوكل على الله فى جميع الحالات تمام كده وصلنا المدرسة بأذن الله ان شاء الله توصولوا بالف سلامة قبل لما ادخل ادى اللبانة لصاحبتى زى ما اتفقنا اقصد ارميها ههههههه وادخل عشان مش تسمعى كلمه من حد كده ولا كده تزعلك ودخلنا طبعا فى ناس منقولة جديد وفى ناس هتروح مرحلة جديدة وفى ناس زى ما هيا تمام كده تشوفى لو هى هى هروحى على طابورك و لو جديدة يبقى هتدخلى تسألى فين الطابور وتقفى فيه تمام كده متكلميش فى الطابور غير انك ترددى الى بيتقال ولو اذاعة يبقى تقفى تسمعى من سُكات عشان مش تجيب التهزيق لنفسك اول يوم كده تمام كده احنا طلعا الفصل هنشوف المكان بتاعنا الجميل ونعد فيه انا لما بعد وراء مش بركز بتاتا و لا بشوف ههههههههه من كل النواحى تمام  لو كل الاماكن الى ادام مش فاضيه وانت مش هتركزى وراء ولا هتشوفى خلاص قولى للمدرسة ولو عادى خلاص تبقى بت تمام اوووى
المدرسة هتدخل تعرفكوا على نفسها وانتوا تعرفوها على نفسكوا وبعد كده تبدأ الحصة اياكى والكلام فى الحصة هتشوشى على الى وراكى وادامك و الميس و على نفسك وعلى الى بتكلمى معاها كمان لو حد طلب منك حاجة و انت مش عايزة تدى حاجاتك لحد قولى لها انا اسفة حاجاتى بضيع بس خلى بالك لما تبقى كريمة احسن خلى معاكى مقلمة تانية فيها مسطرة واستكة وبرايه وقلم سبورة و قلم ازرق واحمر واخضر هيبقوا احتياطى معاكى ودى تبقى لو حد عايز يستلف حاجة منك وممكن الى فيها يكونوا حاجات قديمة عندك تمام كده الحصة خلصت اياكى تقومى من مكانك نامى على الدسك بس مش تنامى زى الواد الى فى الصورة ده ههههههههههه لحد لما المدرس التانى يجى واول لما يدخل قومى اقفى وهكذا لو عايزة تاكلى والمدرس خلص الحصة وباقى وقت قولى له ممكن اكل قالك لا خلاص قالك ماشى يبقى خير وبركة بلاش تاخدى حته و تنزلى تحت الدسك كانك بتربطى الكوتش لانك لو اتعرفتى هياخدوا عنك فكرة وحشة اوووى تمام كده الفسحة جت ما جريش بقى واعمل زى العيال لا اتقلى كده تستنى لما الميس تخرج من الفصل وهوب تنطى هههههههههه لا تنزلى بأدب على السلم ولو حد خبطك قولى لها معلش طبعا هى هتقولك بس عادى خليكى طيوبة عشان يحبوكى ابت اوعى تنزلى تجيبى بمصروفك كله شيبسى ووجع بطن انت الشبسى ده كله مرة فى الشهر بس او مرتين بس بس بس بس نتعرف بقى على الاصدقاء بس يكونوا محترمين واهم حاجة شاطرين وتكون بنت صالحة تقيه كده عشان تاخديك معاها للجنه
تمام كده طلعنا الفصل خلاص نشيل اى اكل او شرب خلاص البريك انتهى خلاص نيجى بقى و احنا مروحين نشوف بنمشى ولا بنركب ولا ايه ولا فى درس الى اخره يعنى
ونروح نذاكر ونجلد اه يانى من التجليد وسنينه الدباسة الى بتدخل فى ايديى اه ههههههههههه الحمد لله أرتحت منه

دبسنا وجلدنا نبص بصه سريعة كده على الكتب وناعد نذاكر الى اخدناه فى المدرسة ونعمل الواجب وننقله فى الكراسة و نذاكر كويس كويس كويس نحط تحتها 100خط احمر وكده تمام ننام بدرى زى ما قولنا 11 اخر حاجة وكده البارت انتهى اشوفكم فى بارت تانى بس اشوف الاول الردود و التقييمات سلاموزززز يالوز مقشر

 
البارت دهـ طويل أووى لانه بيكلمـ عن المذاكرة واه يااانى من المذاكرة


البارت الحادى عشر:
____________
نيجى بقى ونحكى فى الدروس والمذاكرة الى مش بتخلص اه يانى بصى بقى عشان نبدا مذاكرة لازم لازم نهئ الجو المناسب نرش معطر حلو كده و نظبط الاوضة ونعمل حاجة حلوة كده عصير او اى حاجة بس مش ناكل أى حاجة مسكرة مع المذاكرة لانه غلط تمام واحنا اهم حاجة عندنا الصحة بعد رضا ربنا و رسوله و الوالدين

بعد كده نتوكل على الله ونقول دعاء ما قبل المذاكرة:

[size=19]}اللهم انى اسألك فهم النبيين وحفظ المرسلين والملائكة المقربيين اللهم اجعل السنتنا عامره بذكرك وقلوبنا بخشيتك واسرارنا بطاعتك انك على كل شيء قدير وحسبنا الله ونعم الوكيل{
و دة بعد المذاكره :

}اللهم انى استودعك ما قرأت وما حفظت فرده عند حاجتى اليه انك على كل شيء قدير{
[/size]
تمام كده نيجى بقى للمذاكرة

العربى : نفهم كويس النحو و الحل عليه كتير اهم حاجة

اما النصوص نحفظها كويس ونطلع المفهوم والجماليات والمعانى ونكتبها فى كراسة تمام كده والحل الكتير
اما القراءة نطلع المعانى ونكتبها فى كراسة ونلخص الدرس فى اسئلة وناخد افكار والحل الكتير برضوا
اهم حاجة تمام كده
اما بقى القصة نلخصها ونفهمها ونطلع المعانى ونكتبها فى كراسة او ممكن ورق فلوسكاب بس نجيب له دوسية تمام كده
التعبير بقى نطلع كل اسبوع قطعة ونكتب التعبير ده بالنسبة للتعبير الانشائى اما التعبير الوظيفى الى هو رسالة – برقيه – جواب الى اخره ده بقى لازم تتمرنى عليها كتير
الرياضيات: عقدة الملايين وحببتى انا دى الفهم الفهم الفهم الفهم الهفم والحفظ 5 فهم و1 حفظ تمام والحل كتير جدا عليها لازم وحطى تحت لازم مليون خط احمر غير كده مش هتعرفى تتعاملى مع الرياضة الا بالقوانين ماشى كده عشان نكون متفقين
اما العلوم : حفظ وفهم 1 : 1 تمام كده عشان كده انا مش بحبها ابدا من صغيرى نطلع المعلومات المهمه ونكتبها فى ورقة تمام
اما الدين نحفظ السورة الى علينا فى الاجازة وكده نكون خلصناها ماشى كده والباقى نذاكرة كويس اووى ونطلع المعانى وعلم على الحاجات المهمه بالقلم الفوسفورى
اما الدرسات عقدة الملايين : نذاكرها ونحفظ نحفظ نحفظ نحفظ نحفظ ونفه 5 نحفظ و1/2 نفهم ههههههههه كلها حفظ بنت اللذينة مش لاقيه لها ميزة هههههههه
المهم نحفظها وخلاص واكيد احنا عارفين حاجات منها ده تاريخ بلدنا تمام كده علمى على الحاجات المهمة واعرفيها و لخصى الدرس تمام كده قسميه عناوين ومقاطع تمام كده وحلى كتير تمام كده
نيجى بقى E : الانجلش ده بقى حاجة لذيذة تعرفى الدرس بيكلم عن ايه تحفظى الكلمات وتفهمى القواعد وشكراااا على كده مثلاً كلمه زى  congratulation
نحفظها ازاى نقسمها كدهـ (cong-rat-ula-والشن دى سهله اى شن يعنى tion) سهله خاااااالص صح بس وهكذا...

اما بقى اللغة التانية : اى ان كانت تحفظى الكلمات كلها بتاعتها والمعانى وتحلى كتير والقطع وتكتبى مواضيع تعبير طبعا باللغة بتاعتك الى اختارتيها والى لسه هيختار اسهل حاجة الايطالى دهـ ألى اعرفه وهو فعلاً سهل اووووى 

*اهم حاجة لو فى حاجة مش عارفة تحفظيها اكتبيها على ورقة تمام وانت رايحة فى اى مكان خلى الورقة معاكى و اعدى بقى رددى او سجليها على الموبايل وردديها مع نفسك ههههه تمام كده هتحفظيها لانك دايما بتردديها تمام   ودى فعلاً مهمه جداً

*لو حاجة خايفة تنسيها علمى عليها بالقلم الفوسفورى تمام
*الدرس لما تذاكرية تانى يوم راجعى عليه مراجعة سريعه اخر الاسبوع راجعى علي الكل تانى و بعد شهر راجعى عليه تانى لايمكن تنسيه تاانى ابداً

من اسباب النجاح بقى التركيز خلى كل تركيزك فى الى بتعمليه متشغليش نفسك بحاجة جانبك او كده لما تكونى فى الدرس افهمى كل حاجة متطلعيش وانت مش فاهمه حاجة لانك بتدفعى فلوس على كده الواجب تانى سبب من اسباب النجاح مهم جدا منه انك لو مش عارفة حاجة بتعرفيها و بدربى نفسك عليهآآ وتعيدى حلهآآ تآآنى مش تقولى انا عرفت حلها وخلاص   لو مش عارفة حاجة فى المدرسة متقوليش انا لما اروح الدرس لا افهميها وقولى للمدرس الدرس كمان خلى كل حاجة تقع تحت ايديك كل حاجة حلى اما بقى الدرس متكلميش وانت فى الدرس ابدا ركزى معاه افهمى كل حاجة كل حرف حطى ادامك هدف وده السبب التالت للنجاح طول ما فى حاجة بتسعى وراها هتعملى الحاجة دى عن حب روحى ذاكرى وانت فرحانة انك هتوصلى للانت عايزاه ولو زهقتى اعملى حاجة بتحبيها مش شرط اكل ممكن رسم هواية كمبيوتر نت بس بشرط هى نصف ساعة بس  اى حاجة بتحبيها ماشى  
نصيحة بقى : متخديش درسين او ثلاثة فى مادة لانك هتتشتتى جداااا كل واحد بيشرح بطريقته فخلى بالك كفاية المدرسة ومدرس ولو بتفهمى من المدرسة يبقى اتقى الله فى اهلك والفلوس الى بتدفعيها دى  المهم بقى انك تركزى تحطى هدف تعملى الواجب وتذاكرى تنظيم الوقت بقى اهم حاجة طبعا مينفعش اقولك على جدول لان كل واحد بيختلف عن التانى فى مواعيده لاكن نقول الاسبوع سبع ايام اذا كنت مواظبه على المدرسة فكده انت بتبدأى يومك بعد المدرسة بساعة او ساعتين  المدة دى هى فترة الاكل والراحة كفاصل بين المدرسة والمذاكرة
وبكده فإن وقت مذاكرتك يكون من الساعة اربعة أو خامسة وحتى الساعة 11 بالليل
أي من 8 إلى 7 ساعات يوميا ما عدا الجمعة و السبت اجازة فالوقت بيكون اطول معاكى
طبعا فى ناس بتروح دروس فبيفضل ساعة او 2 مذاكرة اذن 7 X  أسبوع = 49 الوقت طبعا زاد عشان فى سبت وجمعه اجازة اعرفى عدد المواد المطلوبة منك هنقول انها 7 مواد اذا كل ماده ليها 7 ساعات فى اليوم طبعا لو فى مادة هتحتاج مجهود اكبر فى يوم السبت و الجمعة و احيانا بيكون عندك امتحانات فى الدرروس وده بيحتاج مجهود اكبر ممكن ناخد من وقت مادة مفيش فيها امتحان وبعد كده نبقى نرجع وقتها تانى تمام كده
دروسيك هي
الجمعة درس في مادة ....أ...
السبت درس في مادة ....ب.... + درس في مادة ....ج...
الأحد لا شيء
الاثنين درس في مادة كذا ...د...
الثلاثاء درس في مادة ف
الاربعاء درس في ...ع...
الخميس ...... درس في مادة ....ز...

جدولك يكون " تقريبيا" كده

الجمعة : صباحا من ساعتين إلى ثلاث في مراجعة المادة أ قبل الذهاب للدرس ومتنسيش تصحى بدرى
 lبقية اليوم : حل واجب الدرس للمادة أ في من ساعتين مثلا
لاحظى ان لسه فاضل لهذه المادة ساعتان على الأقل من السبعه الى لهاا خليهم قبل الحصة التالية
- مذاكرة المادة ب بمراجعتها أو الاستعداد لو فيه امتحان من امتحانات أسبوعية في ساعة أو اثنتين
- اجعل ساعة إضافية للحفظ ، كل جمعة اجعل ساعة لحفظ مثلا نص لم تحفظه ، درس للتاريخ ، تعريفات في الكيمياء
خصصها لمادة أو مادتين فاحفظ ما يحتاج إلى حفظ فقط
السبت : مذاكرة المادة ج مراجعة على ما سبق فيها أو استعداد لامتحان فيها في ساعة أو اثنتين - مذاكرة وحل واجبات المادة ب بعد العودة من حصتها
لاحظ كل هذا على سبيل المثال
إذا تبقى وقت لديك لا تضيعه ، اقتنص الجمعة والسبت خاصة لأنهما أكثر يومين قد تجد فيهما وقتا لك
الأحد : بعد المدرسة حل الواجبات للمادة ب، ج في ثلاث ساعات إلى أربع - ثم في ساعة أو ساعتين استعد للمادة د بالاستعداد لما فيها غدا
الاثنين :حل الواجبات للمادة د في من ساعتين إلى ثلاث ، - ثم في ساعتين استذكر ما يعدك للمادة
الثلاثاء :عليك حل واجبات المادة ف التي أخذتها ، وإن كنت تعود متأخرا من الدرس اجعل الواجب غدا على أن تذاكر اليوم مادة الغد وهي ع وتكون هذه المذاكرة قبل ذهابك للدرس طبعا طالما أنه متأخر
الأربعاء : إما أن تذاكر المادة ع قبل الذهاب إليها ، أو أن تكون ذاكرتها بالأمس فتقضي اليوم في حل واجبات المادة ف مادة الأمس
- حل واجبات المادة ع بعد الدرس أو تؤجله للغد إن لم يسعفك الوقت
الخميس : إنهاء واجب المادة ع في ساعتين ، ثم احضر درس المادة ز ثم اقض بقية اليوم في راحة استرخاء أما إن لم يكن لديك درس اليوم ، فذاكر في ساعتين مادة استثنائية تحتاج منك جهدا أكبر من غيرها

 تمام كده يابنات خلى بالك من الوقت ومش تضيعيه يعنى فى ناس مش بتروح المدرسة وتقولك الوقت ضيق  انا مش بقول موتى  نفسك
ولكن ايه المانع أن نجعل مذاكرتنا 3 ساعات ثم نصف ساعة راحة ، ثم 3 ساعات ثم نصف ، ثم 3 ساعات ثم ساعة الا ربع راحة ثم ساعتان مذاكرة ثم نوم خلى بالك الTV والنت هما الى بيضيعوا الوقت
وسؤال اخير ليه لما بتكونى بتذاكرى  كل شوية تقوم  من مكانك
مرة للشرب ومرة للحمام ومرة يكلم أخته ومرة تكلم أختها ومرة كنت بشوف حاجة ومرة اسأل عن حااجة مش وقتها اصلا ومرة تجري ترد على التليفون وانت عارفة اصلا انه مش ليكى ، انت اصلا عايزة تجرى من المذاكرة لاكن لو فى وقت الراحة ولو بتتفرجى على المسلسل او برنامج متحبيش ان يقاطعك حد من اخواتك او ماماتك
مش صح بذمتكم
خلاص قبل ما تزعلوا على اللبن الى وقع خلوا بالكم بقى
كرر ما حفظت لأن التكرار يمنع المادة من الفرار .
استخدم أكثر من حاسة عند الحفظ، دلت الدراسات أن الإنسان يتذكر في نهاية الشهر: 13% من المعلومات عن طريق السمع، و75% عن طريق السمع والبصر، و95% عن طريق المشاركة في المناقشة والممارسة والكتابة. ودلت دراسة أخرى على أن الإنسان يتذكر بنسبة 10% مما يقرأ و20% مما يسمع و30% مما يراه و50% مما يراه ويسمعه في آن واحد و80% مما يقوله و90% مما يقوله ويفعله في آن واحد الإنسان يتذكر 55% مما تعلمه في الخطوات الثلاث السابقة و30% بعد مرور يوم و20% بعد مرور أسبوع و15% بعد مرور أسبوعين و10% بعد مرور شهر. أما الذين يستخدمون التسميع بعد الحفظ فإنه يتذكر بعد أسبوع حوالي 60% من المادة .
 يمكن تقوية الذاكرة بما يلي :
قراءة القرآن الكريم بشكل منظم .
أذكار الصباح والمساء وأذكار المناسبات .
تركيز الانتباه فى الى انت بتعمليه
الربط بين الأفكار والمعاني .
الاسترخاء والنوم الكافي والراحة التامة .
التخلص من الإيحاءات السلبية.
الثقة بالنفس.
استخدام أسلوب التدريب والتمرين
استغلال فترات التوقد الذهني والنشاط العقلي .
التمارين الرياضية والاعتناء بالجسم . 
معوقات عملية التذكر :
بنشغل عقلنا بحاجات ملناش دعوة بيها
الحالة النفسية او المزاج متعكر زى ما بنقول
الحالة الاجتماعية والاقتصادية والعاطفية والنفسية .
الخوف والقلق والتعب الشديد والانفعالات .
عدم الثقة بالنفس لسيطرة الإيحاءات السلبية .
مقاييس واختبارات تدريبية لتقوية الذاكرة.
يمكن القيام بهذه الاختبارات مع مجموعة من الأصدقاء، أو منفرد


اختبار تذكر الجمل والكلمات بعد سماعها أو بعد كتابتها وقراءتها عدة مرات، ثم إعادة قراءتها وكتابتها وخير مثال لذلك آيات القرآن الكريم وأحاديث الرسول عليه السلام، ثم الأقوال المأثورة من حكم وأشعار .
اختبار تذكر الأرقام وخير مثال لذلك تذكر أرقام تلفونات الأصدقاء وخاصة الموبايل، قم مثلا ً بحفظ مجموعة أرقام ثم حاول تكرارها عدة مرات ولعدة أيام فإنها تحفظ في ذاكرتك وتكون بمثابة بداية لحفظ أكبر عدد من الأرقام .
اختبار تذكر الصور والأشكال بعد النظر إليها لفترة محدودة، ثم تذكر ما فيها من ملامح واختلافات وألوان .
اختبار تذكر ما رآه الشخص أثناء حركته وتجواله في مكان ما بالتسلسل .
اختبار تميز المتشابه والمختلف في عدة صور أو أشكال هندسية .
اختبار فك الألغاز.
اختبار حل الكلمات المتقاطعة وجداول كلمات السر .
قراءة قصة أو موضوع نثري ثم إعادة النص على آخر وآخر على آخر .
اختبار سماع أصوات معينة ثم نسب تلك الأصوات إلى مصدرها .
اختبار شم الروائح العطرة بعد خلط مجموعة منها ثم طلب التمييز بينها .
اختبار ذكر صفات شخص دون ذكر اسمه ثم طلب معرفة اسمه .
******وفى طريقة للمذاكرة أفضل وأحسن وكمان جميلة لطلاب السنة 3 ثانوى ومأخوذة من طالب فى طب
تنامى 10 بالكتير او 11 تمامـ وتصحى 5 الصبح ايوة ما انتٍ كده هتبقى نايمة 6 او 7 ساعات تمامـ و تصلى الصبح لو تحبى يعنى ههههههههه   هتذاكرى لحد 12 ظ  تمامـ تصلى الظهر طبعاً وتنامى ساعاتين بس وتروحى الدروس وترجعى تقرأى بس الى أخدتيه تقرأيه بس وكده عندك باقى اليوم تعملى الى تحبيه ولو عايزة تذاكرى تانى عااادى ولازم يكون عندم مكتب تذاكرى عليه مينفعش مذاكرة السراير وشوية وتشدى اللحاف تمام ولازم يكون عندك يوم أجازة لازمـ ومتفكريش فى أى شئ فى المذاكرة فيه تمام خلى بالك كويس من المذاكرة لانها مستقبلكـ وحياتكـ   ودى فعلاً طريقة ممتازة جداً جداً أقسمـ بالله الصحيان بدرى دهـ مفيد جداص بيخلى الحاجات تتحفظ اول لما تقرأيهآآ وكماان بتلحقى الصلاة و عندكـ اليومـ كله ومن كل النواحى ممتازة والله العظيمـ جربى أهم حاجة مستقبلكـ
وكده يبقى انتهينا من الموضوع وعايزة ردودكم وتقييماتكم ورأيكم فى الموضوع الى هرى صوابعى والى مش هتقيم صوابعى مش راضيه عليها هههههههههه يلا سلام يا احلى بناتيت.   بحبكمـ فى الله ويااارب أكون أفدتكمـ أرجو منكمـ بس دعوة حلوة يااابنااات ولا احلل نقل الموضوع بدون ذكر مصدر المنتدى و الرابط