طريقة صنع الصلصال فى المنزل بأشياء بسيطة

 

فى اطفال كتير بيكون نفسهم يلعبوا بالصلصال ولاكن الامهات طبعا بتخاف على ولادهم من الكيماويات و الحاجات الى مش امان الى بتكون فيه

ولاكن لما احنا الى نعمله ونبقى عارفين احنا عاملينه من ايه وايه الى بيلعبوا بيه ده هنكون مطمأنين عليهم طبعا

عشان كده جبت لكم طريقة عمله بالفيديو و الى عنده الانترنت بطئ هنزله بالخطوات تحت الفيديو ونتمنى منكم الدعوة الصالحة فقط :*

هنجيب اربعه اطباق وكل طبق هنحط فيه نصف كوب ماء فاتر

ولاكن هنعدل شوية على الفيديو فى الالوان احنا الى هنعملها

للون الاحمر هنجيب بنجر او كركدية الماء بتاعت الكركدية و البنجر هنضربة فى الخلاط مع شوية مياه صغيرة اوووى احنا بس عايزينها عشان تضرب فى الخلاط

تمام ونصفيه بقى عندنا لون احمر و البرتقالى الجزر برضوا هنضربه فى الخلاط ونصفيه بقى عندنا البرتقالى و هكذا تمام ثم نضيف كمية بسيطة على المياه الى حطناها فى الاطباق وكل طبق بلون ثم نحط نصف ملعقة زيت نباتى لكل طبق وربع كوباية ملح لكل طبق ونخلطهم ونضيف لكل طبق ونحط كمية مناسبة على حسب ماتلم معاكى العجين ونلمها كويس ونعجنها لحد لما يكون الملمس طرى ويمكن التشكيل ويمكنك التزويد بالماء او الدقيق حتى تمتسك العجين