:السلام ع:
خلاص العيد على الابواب أفتحوا يلا :)
ورمضان هيفرقنا بسرعه الواحد ملحقش يحس به يارب تكونوا قدرتوا تختموا القران وترفعوا الميزان ميزان الثواب وتخفضوا ميزان السيئات وخرجتوا منه بقدر كويس من الحسنات
طبعاً اخر ايام فى رمضان بنكون مشغولين بلبس العيد و تحضيرات العيد من مسيح وكنس و اكل و تنضيف وغيره
ولبس عيد وده مبيحصلش
او بعد محايلة كتير اووووووووووى
المهم الحمد لله بنوصل لمرحلة الكحك لما زوجك يروح يشترى الكحك يلاقيه ب 90 و 60 و 80 وارقام غريبة كأنهم مثلاً مش حاطين زبدة دول حاطين الجاموسة نفسها
فجوزك بيقولك امشى احسنلك وخلى وشك لسه كويس عشان داخلين على عيد
ندخل بقى على العيد نفسه له طقوس معينه عند المصريين و الى هى
يفضلوا سهرانين لحد صلاة العيد ويرحوا يصلوا و الصلاة يعنى التكبيرات
الله اكبر الله اكبر الله اكبر الله اكبر
الله اكبر كبيرا والحمد لله كثيرا وسبحان الله بكرا واصيلا
بعد كده الصلاة
اول لما تخلص الكل يروح على طول ينااااام وبعدين يصحوا ياكلوا الكحك ويسأسأوا حلوة يسأساوا دى هههههههه
يترمسوا لالا وحشة يأكلوا ترمس و يتغدوا وتتلم العيلة ويعدوا مع بعض ده اول يوم
اما باقى الايام الست تقول لجوزها
طبعاً هو ولا هنا اصلاً هههههههه وبيأكل ترمس
المهم بقى
كحك بسكويت بيتيفور غريبة و مفيش مانع من شوية منين كده فى الفطار الى بيكون عادا بنسقى فى الشاى
والترمس المعتبر وبعد كده التُرمس بضم التاء هههههههه ويروحوا على اقرب جنينة او عند الاهل بس ده بيكون مش فى اول يوم الناس بتحب تعد مع اهلها اول يوم بس فى ناس شايفة الغلاء الى احنا فيه ومش هيشتروه ميفطروش يعنى ولا يسأسأوا
لا طبعاً جبنا لكم طريقة عمل الكحك بقى ايواً
كحك العيد
المقادير :
- 500 جم دقيق ابيض اي نص كيلو
- معلقة ريحة الكحك
- رشة ملح
- 3 معالق سمسم نصف تحميصة (اختياري للنكهة الحلوة)
- 250 جرام سمنة بلدي اي ربع كيلو
- نصف كوب ماء فاتر
- معلقة صغيرة خميرة جافة
- معلقة صغيرة سكر
- للزينة:
- سكر بودرة
الطريقة:
يقدح السمن على النار اولا.
في وعاء يتحمل حرارة يوضع الدقيق ثم توابل الكحك و رشة الملح و السمسم، ويصب السمن المقدوح عليه و يصب على السمسم حتى يحمصه و يخرج نكهته
ثم يقلب و يبس حتى امتزاج كل المكونات جيدا ثم يترك على جنب ليبرد قليلا، حتى تجهيز الماء مع الخميرة و السكر ثم يصب قليلا على العجين اثناء العجن حتى يلم العجين. ويراعى عدم العجن الكثير.
لا تكثري من الماء لأنه يجفف العجين فيما بعد.
يكور و يحشى بالعجمية او المكسرات او الملبن او العجوة حسب الرغبة ثم يشكل و يوضع على صواني فرن و يغطى .
يوضع في قوالب الكحك ليعطي شكل ، او ينقش بالمنقاش حسب الرغبة.
يترك يخمر نصف ساعة
ثم يخبز على 190 او 200 حتى اللون الذهبي.
يرش بسكر ناعم عند التقديم.
للحفاظ عليه فترة طويلة ينصح بوضعه في علب محكمة الغلق.
ملحوظة: لو حابة الكحك ناعم يمكن جعل مقدار السمن اكثر من نصف وزن الدقيق، ولكن الكحك سيصعب تشكيله .
ممكن اضافة لبن بدلا من الماء، ولكن يفضل الاول نخمر العجينة في ماء ثم نزود المقدار لبن بدل الماء
مقادير الكحك بالكوب : 3 كوب دقيق
1 كوب سمن
1 كوب ماء دافئ
ملعقة خميرة جافة
ملعقة سكر ابيض
3 ملاعق كبيرة سمسم
ملعقة روح الكحك
رشة ملح