تعالى شوية نصائح (اول كلية) الولاد دول أخواتى - الموضة

انا اهوه كبرت ورايحة اولى كلية   دى اول كلمة البنت الى فى اولى كلية بتقولهاا انها طبعاُ كبرت وبقت عروسة حلوة  
فتبدأ بقى تغير من نفسها طبعاً
1- هنعكش شعرى كده عشان أبقى كيوت.  
2- واحط 2 كيلو بوردة كده وصوابعين روج عشان أبقى مزة  
3- وهبدأ بقى أشمر الكم عشان الناس يعرفوا انى بيضة والعرسان تتحدف.
4- وأشمر البنطلون من تحت كده عشان الخلخال يبان و أبقى حصان ماشى فى الشارع.
5- وأغير بقى اصاحب ولاد .
6- وخلاص بقى انا كبرت فمش هحتاج اذاكر. : 

طيب تعالى نكلمـ عن الأول لبسك بصى ياحبيبة قلبى انتٍ جميلة لوحدك لا محتاجة ميك اب ولا أى حاجة اكتفى بغسول لوشك و الوضوء بينور الوش و كفاية كحل خفيف مش رسم العين هه لاحسن انا عرفاكوا : 
اما بقى عن اللبس اللبس لابتشمير ولا باللبس المحزق والملزق ولا كمااان بلبس الخلخال ياخال ولا الكلام ده كله
أقسم لك بالله ان الولاد نفسهم بيتريقوا على الى لابسه كده ولا حاطة كده وبيقولوا انها كده و كده  
يعنى اللبس الضيق مش هيجيب عريس ولا هيخليكى استايلش خالص والله دا كده انتٍ بترخصى نفسك ادام الناس يعنى انتٍ لما تبينى جسمك ويكون كل الناس شيفاه انتٍ شايفة انه كده صح اللبسى الى انتٍ عايزاه بحرية و ستر و أحترام اهوه الحرية الاول يعنى فى بناطيل بس الى هى واسعه اووووى مش تبين ولا تجسم ولا تشف  
اما بقى انتٍ لما تكونى عفيفة انتٍ كده بتقولى لربنا يااارب انا مش عايزة الدنيا انا عايزة آخرتك و انى ادخل الجنه و بس  
تخيلى ربنا هيراضيكى ازاى و يرضى عنك ويوفقك فى حياتك ازاى و أنتٍ لما تغيرى لبسك كل شئ هيتغير معاكى يعنى اصحابك هتصاحبى الى بتلبس زيك و بتصلى زيك و يخدوكى على الجنه  
فكرى فى ربنا والاخر فكرى لو فى مرة فتحتى الباب وخارجة باللبس ده والميك اب ولقيتى الرسول واقف ادامك ايه موقفك
طب لو اللبس ده مش حرام ليه لما تيجى تصلى بتدورى على حاجة تسترك ادام ربك ؟!
فكرى وحددى عايزة الدنيا وعذاب القبر والنار ولا الجنة ورضى ربنا  
طب نيجى للمذاكرة لازم تذاكرى فى اولى كلية طبعاً كل مرحلة غير التانية هى اكيد مش زى ثانوى بس فى كليات عملية و نظرية
الكليات العملية مجهودها طبعاً أكتر بكتير من النظرية
العملية زى: علوم زراعة هندسة زراعية هندسة طب صيدلة وغيرهم
نظرية زى السن تجارة حقوق وهكذا
المذاكرة ازاى اولاً احترام المعيد او الدكتور الى بيديكى المحاضرة واجب وبيعبر عن التربية لان كل اناء ينطح بما فيه وبيدل على البيئة الى اتربيتى فيهااا وبتكون الفكرة الى بيكونها عنك  
الدكتور من المعاملة يعنى شاطرة وبتسال وبيتنفذى كل الشيتات يبقى انتٍ كده ممتازة وبت ومادبة وكده اما غير كده بياخد عنك فكرة وحشة
اما بقى المذاكرة كل مادة لها كتب و pdf ومذكرات مع شرح الدكتور و الى بتكتبه وراه ذاكرى اول باول هتلاقى دائماً اول اسبوعين دول سلطة وبعدين هتبدءوا بقى فى الى بجد من اول الاسبوع الثاث من اول كده بقى حطى لنفسك قوانين وجدول و طبعاً مش هيكون زى دراسة المدرسة ابداً لان كل ده انتٍ خدتيه قبل كده بس هتاخديه بتوسع شوية  بس هو هوه متقلقيش اول كل حاجة بتبقى محتارة ومش عارفة تعملى ايه بس بعد كده كل شئ بيتفستأ   
اما بقى عن ثقة اهلك فيكى البنت المحترمة زى مادخلت الكلية تخرج منها دخلت محترمة وبتحافظ على صلاتها و بتذاكر ومجتهده مش بكل ولاد ابداً و بتتعامل كويس مع زملاتها والدكاترة وبتعمل كل الى يتطلب منها هتفضل الفكرة والصورة والسيرة الطيبة عنك وعن اهلك لكل الدفعات الى بعدكـ انك محترمة لا بتلبسى كده ولا كده ولا بتمشى كده ولا كده
الثقة اهلكـ الى ادوهالك طول 18 سنه دول حافظى عليها بقيت عمرك   خلى فى بالك انك لو كلمتى ولد لاى سبب غير انه واقف وعايزة تعدى فبكل احترام بعد اذنك اعدى او عايزة تشترى حاجة لو سمحت بكام ده ومعاملة على الضيق خالص ولا ممكن كشكول المحاضرات ولا لو سمحت ممكن لينك الكلية لو سمحت هو ممكن بس سؤال لو سمحت فين التواليت تواليت ايه بس  هو عارفة انك كيوت والله مش غير الكلام الاجنبى وبعدين انتٍ كده يعنى عرفتيه انك اجنبية بشعرك الاشقر الى هو عارف اصلاً انك صبغاه ولا بالميك اب الى عارف انك من غيره احلى كتير ولا الكلام الانجليزى ولا بايه حافظى على نفسك بقى دا انتٍ جوهرة لزجك وبس اى سؤال فى بنات فى الكلية كتير مقفلتش يعنى على الولاد الى فى الكلية والباقين دول فين ياحاجة البناااااااات فين الى بشوف عربية السيدات المترو الصبح متروسة بنات كل دول سبتيهم وسط البنات دى كلهم وهو الوحيد الى حضر المحاضرة حافظى على نفسك لما خطيبك او ابوكى اخوكى يجى يسأل عنك فى الكلية ويقولوا ايه هى اصلاً فى حد معانا اسمه كده ؟ ولا مين دى احنا منعرفهاش ؟ ولا دى كانت محترمة وملهاش دعوه بينا او دى كانت عاملة زى الغفير من الكلية لصحباتها البنات للمسجد للبيت  أحسن من دى اه دى كانت مزة جامده وكلنا كنا بنتفرج عليها دى كانت صاروخ وكانت فرجة الكلية دى كانت أحلى ضحكة عالية احلى ميك اب احلى خلخال احلى تشمير هدوم دى كانت صاحبت الوالد الى هناك دى وكان ماشى معاها وبيروحوا كذا وكذا دى كانت بتتحال علينا نكلمها و بتتلزق فينا دى كانت نفسها نعبرها لما تيجى تطلب حاجة كسرتى وشك ابوكى او اخوكى او خطيبك ليه عملتى كده بقى عشان ايه كسرت ابوكى ولا اهلك دى بالدنيا بدل ما يطلع وشه كده فوق فوق يطلع وشه مكسور وحزين يدعى على اليوم الى خلف فيه بنات عجباكى كسرتهم دى عشان اى حاجة
هتقولى لى اخويا ومعرفش ايه المبررات الفاضية الى انتٍ أصلاً مش مقتنعه بها ان فى صداقة بين ولد و بنت لو كان فى كانوا زوجات الرسول اكلموا عادى مع سيدنا أبو بكر او غيره الا فى الامور الدينة كانوا بيسألوهم من وراء حجاب فقط لانهم اعلم منهم فقط   انما انتٍ ليه بكلميه مفيش حاجة اسمها صداقة ابداً ارجعى للقران وشوفى فى حاجة كده   متهزيش ثقة اهلك فيكى ولا تكسريهم حرام عليكى حافظى على نفسك وعلى أهلك وسمعتك

والله و الله لا باللبس الضيق ولا بالضحك العالى و لا الكعب الى بيرقع فى الكلية ولا باللبان الى بيقع برضوا ولا بوش الدوكوا بتاع الوش ولا بتشميرة الكم ولا البنطلون ولا بالبنطلون المقطع ومبين كل جسمك ياغالية ولا بالصوت العالى ولا بمصاحبة الولاد او حتى انك تكلميهم لاى سبب فى جنس زيك اسمه أنثى ست بت بنت فتااااااااااااااااااااة ياولية  
كلميهم دول اشمعنا الولاد مش هتاخدى حاجة غير كسر النفس او كسر خاطرك لما يصاحب واحدة تانية ويسيبك او يكلمك بطريقة زبالة او يقولك هو انا اصلاً قولت لك تعالى كلمينى تعالى صاحبينى لما اهلك يشوفوكى ماشية معاه لما تقفى امام الله ورسوله يوم القيامة وكل الناس   
الحقى نفسك بصى ادامك لمستقبلك وزوجك و اهلك الى خلوكى محل ثقة بصى لربك الى بيراقبك يعنى انتٍ خايفة من اهلك يشفوكى ومش خايفة من ربك   دى تبقى حاجة كبيرة والله لو فعلاً انتٍ كده  
انا حبت انصحكم وخوفى عليكم والى بشوفة هو بس الى خلانى اكتب الموضوع ده ارجوا انكم تقرأوه وتتقبلوه منى كأخت لكمـ أرجوكـمـ أفتكروا نظرة اهلكمـ المكسورة دى   افتكريها افتكرى عذاب فى القبر و النار افتكرى الكلام ده كله وفكرى فيه كويس وخدى قرارك فرحة اهلك الجنه الرضى فى مقابل اللبس المحترم الحشم الاستيل بس على الاسلام الى على الموضة بس موضة الاسلام
ولا الطريق النار كسرة النفس كسرة اهلك ثقة اهلك الى هتتعدم شك زوجك فيكى فى مقابل اللبس الضيق المقطع البرفيوم الى الناس شماه وبتخدى زنب الزانية
هااا قررتى انهى قرار